الخميس، أكتوبر 07، 2010

من كتاب تاكسي للكاتب خالد الخميسي

مقطع من كتاب تاكسي
                 للكاتب خالد الخميسي

 @@@@@@@@


عند مرورنا امام اسوار جامعه القاهره
سألني سائق التاكسي
السائق : وانت حضرتك كنت في كليه ايه ؟
انا : اقتصاد وعلوم سياسيه
السائق : يعني حضرتك درست سياسه
انا : ايوة
السائق : طيب عال فرصه عظيمه .. علشان من زمان كان عندي
سؤال نفسي اسأله!!ا
انا : وايه هو السؤال احتمال اقدر اجاوب ؟؟
السائق : يحصل ايه ان احنا نيجي نقول لأمريكا انتي عندك سلاح نووي
وعندك اسلحه دمار شامل ولو ما تخلصتيش من كل الاسلحه دي حنقطع علاقتنا بيكي
وحنعلن الحرب عليكي وهنستخدم القوه العكريه عشان نحمي كوبا ودي دوله صغيره
ولازم نخلي بالنا عليها
 .. طبعا الكلام دا كده وكده .. فنعمل موقف ففي العالم والعالم يضطر يقف معانا
زي ما وقف معاهم لما قالو نفس الكلام علي العراق وزي ما بيقولو علي ايران 
 انا مش بقول احنا حنحاربهم .. طبعا انت اكيد فاهم كلامي .. انما بقول نفس الكلام الهما بيعملوه بظبط مع دول العالم
يعني مثلا نطالب نراقب الانتخابات الامريكيه عشان احنا مش ضامنين سلامه الانتخابات هناك والاجراءات عندهم
 ونطالب يبقي فيه رقابه دوليه علي صندوق الانتخابات وبعدين حيبقي عندنا حق في كل دا لان كلنا عارفين التزوير الحصل عندهم في الانتخابات والبيحصل 
فحنا نقول انينا لازم ندافع عن الديموقراطيه و لازم نبعت من عندنا قضاه مصرين عشان سلامه العمليه لاديموقراطيه
..انت عارف احنا لو عملنا كده هنخليهم يعرفو هما بيعملو ايه في الناس
وممكن بردو نرفع قضيه علي امريكا انها بتدعم الارهاب الدولي وبتقف جنب الدول المش ديموقراطيه ونجيب ادله وحضرتك عارف سهل اوي تجيب ادله بالذات في الموضوع دا وتلاقي شويه بلاد وقفت معاك ضد امريكا وضد الارهاب
وممكن كمان نطالب بفرض عقوبات اقتصاديه ضد امريكا لو ملتزمتش بالكلام دا
 واهم حاجه اننا كلنا نلغي كلمه امريكان .. ونقول ابيض بروستانتي ايرلندي من اريكا و اسود مسلم من امريكا  و اسباني ابيض من امريكا وهكذا
زي بظبط هما ما بيقولو الايام دي مات سته شيعه من العراق واتنين سنه و قبطي من مصر ومسلم من مصر وهكذا
وطبعاااااااااا لازم نطالب بعلو صوتنا وندافع عن حقوق السود في امريكا ونرفع القضايا لو واحد ابيض قتل واحد اسود طبعا لازم نقلب الدنيا عليهم علي الاقل دا افريقي زينا
 ... انا عارف انا عمال ازيد واعيد مستني انك ترد عليا ساكت مش بترد
انا : والله بفكر في كلامك
طيب ما تبعت الاقتراح دااااا
السائق : ياعم انا ببعبع بكلمتين طق حنكك يعني !!!ا
 
================================================================






وسؤالي هنا هل من الممكن ان نفعل هذا ؟؟
ام نحن فقط كما قال السائق نبعبع ببعض الكليمات فقط !!!ا 

3 التعليقات:

ثقف نفسك يقول...

بعبعت كلمات لان مظنش ان الناس الي موجود في المناصب والي ليها سلطه انها تجهل الكلام ده بل بالعكس اكيد فاهمه ومدركه اكتر من الراجل الغلبان الي سائق التاكسي بس الرك على الي ينفذ واحنا نساعده.

بس ده ميمنعش ان حتى البعبه بصوت مسموع ليها عامل مع الكتره


ربنا معانا وبقى ومع البلد

وربنا يستر

intell87 يقول...

احنا في زمن الحياة للاقوى... اما انو نفكر بجدية في انو نطور من نفسنا ونقوى او هنفضل كدا محلك سر..

غير معرف يقول...

لومالتزمناش بدينا وبلي بيقولو اكيد نفضل زي ماحناونفضل نبعبع من غير محد يلتفت لنا الغرب اقوى عشان ايد وحدة بس احنا ايدينا نسلم باليمين ونضرب كف بالشمال

إرسال تعليق

 
Copyright © ثقف نفسك. All rights reserved.
ثقف نفسك created by Almowhed Designed by Almowhed